Industria e teknologjisë ka përjetuar një valë të madhe pushimesh nga puna në tremujorin e parë të vitit 2026, me rreth 78,557 punonjës të larguar, prej të cilëve mbi 76% në SHBA. Gati gjysma e këtyre pozicioneve (47.9%) u raportua se u prekën për shkak të automatizimit dhe përdorimit të inteligjencës artificiale (IA). Megjithatë, ekspertë si Babak Hodjat nga Cognizant paralajmërojnë se shpesh AI përdoret si “shfajësim” për performancën e dobët në biznes, ndërsa ndikimi real i produktivitetit nga IA pritet të shihet pas 6-12 muajsh.
Shembuj të mëdhenj përfshijnë Oracle, që ka shkrutuar mbi 10,000 vende pune për të financuar qendrat e të dhënave. Ndërkohë, drejtues si Dario Amodei (Anthropic) dhe Jim Farley (Ford) paralajmërojnë se IA mund të zhdukë gjysmën e vendeve të punës të zyrës të nivelit fillestar në SHBA. Studime nga Stanford dhe MIT tregojnë se kodimi bazë dhe shërbimi ndaj klientit janë tashmë të prekura, me një potencial humbjeje prej 1.2 trilionë dollarësh në paga.
Megjithatë, jo të gjitha kompanitë ndjekin këtë trend. IBM ka trefishuar punësimet në nivelet fillestare, duke theksuar nevojën për “prekjen njerëzore” dhe për të ruajtur zinxhirin e zhvillimit të talenteve. Edhe Cognizant po investon në laboratorë IA, por synon të trajnojë stafin ekzistues në përdorimin e mjeteve të reja, në vend që t’i zëvendësojë.
